ചെറുപ്പത്തില്‍ താമസിച്ചിരുന്ന പാലിയംതുരുത്തില്‍ കരണ്ട് വന്നത് തന്നെ രണ്ടായിരം മാണ്ടിന്റെ തുടക്കത്തില്‍ ആയിരുന്നു. കായലിനോട് ചേര്‍ന്നുള്ള അവിടെ മുഴുവന്‍ സമയവും നല്ല കാറ്റായിരിക്കും .അങ്ങിനെ അവിടെ താമസിക്കുമ്പോള്‍ ആണ് അയല്‍വാസി ആയ സുകു വേട്ടന്‍ എന്ന സുകുമാരന്‍ ചേട്ടന്‍ കൂട്ടുകാരനായ സിനോജ് എന്ന കുട്ടു വിന്‍റെ അച്ഛന്‍ ഒരു രാത്രിയില്‍ പട്ടി കുഞ്ഞുമായി വരുന്നത്. ആല്‍സെഷന്‍ വംശജന്‍ ആണെന്നും തറവാടി ആണെന്നും ഒക്കെപരിചയപ്പെടുത്തി സ്വന്തം വീട്ടില്‍ കൊണ്ടുപോയി വളര്‍ത്തി..മകന്‍ കുട്ടു വിനെ എടാ പൊല#@#@ മോനെ എന്ന് കളള് അകത്തുചെന്നാല്‍ വിളിച്ചിരുന്ന സുകുവേട്ടന്‍ പട്ടിയെ എന്‍റെ പുന്നാര മോനേ എന്ന് തികച്ചു വിളിക്കാതെയായി..പട്ടിക്ക് ജിമ്മി എന്ന് പേരും ഇട്ടു.എല്ലാ ദിവസ്സവും രാത്രി ആടി വരുമ്പോള്‍ കൈയ്യില്‍ ഒരു പൊതിയും കാണും പട്ടിക്ക് കൊടുക്കുവാന്‍ ഇറച്ചിയും പൊറോട്ടയും..അതും കൊടുത്ത് പട്ടിയെ ചട്ടം പഠിപ്പിക്കാന്‍ തുടങ്ങും..പട്ടിയോട് ഉറക്കെ ഡാ ഇരിയെടാ,നില്ക്കെടാ,ഷേക്ക്‌ഹാന്‍ട് താട, ഇല്ലെങ്കില്‍ നിന്നെ കൊല്ലൂടാ പട്ടിടെ മോനെ മുതലായ വായ്താരിയോടൊപ്പംഅഭ്യാസങ്ങള്‍ പഠിപ്പിക്കുംഅതിന്‍റെ ബഹളം വേറെയും.രാവിലെ മകനായ കുട്ടുവുനെ പുറത്തു കാണുമ്പോള്‍ മറ്റു അയല്‍വാസികള്‍ ചോദിക്കും "" കുട്ടോ അച്ഛന്‍ ഇന്നലെ നല്ല പൂരമായിരുന്നു അല്ലെ മോനെ ഇന്നലെ ചീത്ത വിളിക്കുന്നതും തല്ലുന്നതും ഒക്കെ കേള്‍ക്കുന്നുണ്ടായിരുന്നല്ലോ..
No comments:
Post a Comment